Пензискиот статус на земјоделците ќе биде решен
Пензионерите кои плаќале придонеси според законот кој важел од 1978 и 1988 година ќе имаат регулиран стаж и владата ќе предложи нов закон со кој ќе се реши нивниот статус со што ќе им се признаат потребните години за да може да го остварат правото на пензија.
Станува збор за специфична, но доволно голема група на земјоделци кои биле оставени во легислативен лавиринт и во наредните денови со законско решение ќе им се помогне да остварат стаж. Оваа мерка ќе биде поткрепена и со средства од државата во износ од околу 32 милиони денари.