14 грчки аеродроми завршија во германски раце
Германски Фрапорт доби 14 грчки аеродроми. Вкупната цена на концесиите за управување со сите 14 регионални грчки аеродроми изнесува 1,234 милијарди евра, а Фрапорт ќе раковди со нив во наредните 40 години.
Ова е прва приватизација спроведена од страна на Владата на Сириза и е дел од договорот со меѓународните кредитори кој беше ратификуван од грчкиот Парламент на 14 август.
Меѓу аеродромите што треба да ги преземе Фрапорт, спаѓаат и воздухопловните пристаништа на џет-сет островите Миконос, Санторини и Скиатос, како и на туристичките острови Родос, Крф, Кос, Самос и во западниот дел на Крит кај Ханиа. Конзорциумот, мнозински предводен од Фрапорт, го презема и аеродромот во вториот по големина грчки град Солун.