HomeДЕНЕШНАЕкономијаЈугохром почна со изградбата на системот за отпрашување – дали ќе се намали загаденоста на воздухот?

Југохром почна со изградбата на системот за отпрашување – дали ќе се намали загаденоста на воздухот?

Југохром на почетокот на минатиот месец ја доби дозволата за изградба на комплетниот систем за отпрашување и се надевам дека до почетокот на идната година ќе биде готов првиот погон кој ќе го содржи системот за отпрашување на печките број 7 и 8 кои покриваат некаде околу 65 отсто од вкупниот капацитет на фабриката.

За ова вчера директорот на Југохром, Васко Скендеровски го информираше претседателот на ВМРО-ДПМНЕ Никола Груевски по пуштањето во употреба на реконструираниот далекувод Скопје – Тетово и трансформаторската станица Југохром во Јегуновце.

– Интензивно почнуваме со работите за етапна изградба на системот. Се надевам дека до крајот на 2017 година комплетно ќе биде изграден целиот систем за отпрашување. Финансиската конструкција е веќе обезбедена, газдата беше тука пред неколку дена и ја направивме комплетната финасиска конструкција и бизнис план за работа за 2017 година. Очекувам без некои сериозни пречки се да се одвива се според планот, рече Скендеровски.

Југохром беше посочуван како еден од главните загадувачи во овој регион.

Social Media Auto Publish Powered By : XYZScripts.com