HomeДЕНЕШНАСветУапсени околу 900 исламски милитанти во Бангладеш

Уапсени околу 900 исламски милитанти во Бангладеш

Околу 900 исламски милитанти се уапсени во широка полициска рација во Бангладеш, спроведена по серијата напади и убиства на припадниците на немуслиманската заедница во земјата и секуларни граѓани. Во соопштението на властите во главниот град Дака се вели дека операцијата била изведена во текот на ноќта, во живеалиштата и местата каде се собираат исламистичките милитанти.

Во Бангладеш во изминатите неколку години, околу 40 лица, вклучувајќи повеќемина блогери-секуларисти, професори и интелектуалвци, како и припадници на религиозните малцинства, се нападнати и брутално убиени, најчесто со мачети.
Последен таков напад е извршен вчера врз еден припадник на хинду манастир, во областа Пабна.

Полицијата соопшти дека трага по убијците и налогодавачите за бруталните напади во сите досегашни случаи, но досега никој не е фатен, обвинет или казнет. Со обемната рација се настојува да се дојде до потесен круг на осомничени за сите злосторства. Владата е остро критикувана дека не прави ништо да ги заштити секуларистите и да ги спречи новите напади и убиства на религиозните неистомисленици.

Бангладеш порано беше Источен Пакистан и составен дел на пакистанската држава, создадена по заминувањето на Британците од индискиот потконтинент. Пред повеќе од 40 години, Истокот се отцепи од тогашниот Западен Пакистан и формира нова држава – Бангладеш. Земјата е во најголем број муслиманска, во која осум отсто од населението се припадници на Хинду религијата.

Social Media Auto Publish Powered By : XYZScripts.com