HomeДЕНЕШНАПолитикаТампон зона пред Собрание, голема поддршка за СЈО

Тампон зона пред Собрание, голема поддршка за СЈО

Граѓанскиот протест поттикнат од здружението „Протестирам“ на кој се приклучија бројни организации како Пленумот, но и стотина активни граѓани се собраа пред канцеларијата на Специјалното јавно обвинителство. Тука пристигнуваат и повеќе членови на СДСМ меѓу кои активни и поранешни функционери, но се уште не станува збор за партиски собир со излегување на членството.

Стојанче Ангелов е меѓу демонстрантите откако повика да не се протестира насилно и да не се напаѓа полицијата, а вети дека секој провокатор самиот ќе го совлада и дека ќе го предаде на органите на редот. Се делат и памфлети со пораки да не се наседнува на насилните излици на поединци, а доколку полицијата реши да интервенира демонстратите мирно да се повлечат и разотидат.

Граѓаните истакнаа повеќе транспаренти за поддршка на работата на СЈО, барање одговорност за осомничените политичари кои беа аболицирани, како и креирање на демократска атмосфера за одржување на избори. Повторно се извикува Нема правда, нема мир; Оставка; а излици на поддршка има и за омилената специјална обвинителка Фатиме Фетаи.

Истовремено се подготвува и контра-протест па затоа и едната страна на пристап до Собранието од семафорот кај Градскиот трговски центар е целосно блокирана од страна на полициски сили кои имаат задача да одржуваат тампон зона меѓу двете групи на граѓани. Тоа дава надеж дека сите последни шпекулации за насилство и судири нема да се остварат.

Демонстрантите по изразувањето на поддршка ќе тргнат токму кон Собранието, а по пат улицата Даме Груев која води кон новото седиште на ВМРО-ДПМНЕ исто така е целосно блокирана и добро обезбедена.

Репортер: Христијан Станоевиќ

Фото: Кристина Атовска

Social Media Auto Publish Powered By : XYZScripts.com