HomeАЈНШТАЈНИЈААрхеологија и ИсторијаОткриени 85 гробови на локалитетот Горна Порта во Охрид

Откриени 85 гробови на локалитетот Горна Порта во Охрид

На археолошкиот локалитет Горна Порта во Охрид, каде што беа пронајдени познатите артефакти, „Златната маска“ и „Златната ракавица“ како и уште 70-ина други златни, сребрени, бронзени, килибарни и други предмети, во овој период од годината се вршат систематски истражувања што треба да завршат на крајот на септември. Истражувањата ги врши Заводот за заштита на спомениците на културата и музеј – Охрид, а годинава, според информациите на Министерството за култура се откриени 85 гробови од кои 12 датираат од македонско-хеленистички период, од 3-2 век п.н.ера, додека преостанатите се од османлискиот период, од 15 до крајот на 18 век.

Во гробниците со гробни конструкции од необработен камен, досега се пронајдени: керамички амфори, калапени чаши, делови од војничка опрема (копја, ножеви), накит – златни обетки со негроидни глави и со претстави на Ерос, ѓердани со монистра од стаклена паста, приврзоци, фибули и прстени, а во три гроба се пронајдени и бронзени садови.

„Од периодот на доцната антика се откриени и истражени 11 јами и дел од рустикален објект, а пронајдено е поголемо количество византиски монети, неколку сребрени венецијански грошеви и една сребрена монета на кралот Волкашин. Гробовите од османлискиот период главно се со христијанска ориентација и во нив се пронајдени бронзени копчиња, обетки, срма, а зачувани се и делови од органски материјали (кожни обувки, дрво). За најстар наод од теренот се смета праисториско камено секирче, а за најмлад, османлиски монети од 19 век.

Social Media Auto Publish Powered By : XYZScripts.com