HomeДЕНЕШНАЕкономијаМинистерот Мисајловски на отворањето на саемот „ИноТранс 2016“

Министерот Мисајловски на отворањето на саемот „ИноТранс 2016“

Министерот за транспорт и врски Владо Мисајлоски од денеска во Берлин учествува на саемот за транспортна технологија „ИноТранс 2016“ кој што секои две години се одржува во главниот град на Германија.

vlado-misajlovski

Министерот за транспорт и врски Владо Мисајловски на „ИноТранс 2016“ учествува на покана на директорот на Берлинскиот саем, Кристијан Геке, кој заедно со европската комесарка за транспорт Виолета Булц, и германскиот министер за транспорт и дигитална инфраструктура Александер Добринт ќе го отвори саемот.

Поделен во пет сегменти: железничка технологија, железничка инфраструктура, јавен транспорт, внатрешно уредување на транспортни средства и изградба на тунели „ИноТранс 2016“ е најголемиот саем за овој вид индустрија на светот.

Покрај презентациите на компаниите од овој бизнис сектор што можат да се видат во 41 хала на Берлинскиот саем, на специјалниот отворен простор ќе бидат претставени различни видови транспортни средства на над 3.500 метри специјално поставени железнички шини.

На „ИноТранс 2016“ годинава изложуваат 2761 компанија од кои 1669 од 54 земји. Годинава организаторите очекуваат саемот да го посетат над 140 илјади претставници на бизнис секторот и граѓани.

Social Media Auto Publish Powered By : XYZScripts.com