HomeДЕНЕШНАРепубликаМакедонија без меѓународни линии со воз од септември

Македонија без меѓународни линии со воз од септември

Меѓународниот воз „Хелас експрес“ кој сообраќа на релација Солун – Скопје – Белград од 4 септември нема да вози поради изведување градежни активности на територијата на Република Србија.

Македонски железници – Транспорт денеска соопшти дека прекинот на патничкиот сообраќај ќе важи се до крајот на возниот ред 2015-2016 година, а повторното воспоставување на редовната патничка линија на релација Солун-Скопје-Белград заеднички ќе го усогласат „МЖ Транспорт“, „Србија воз“ и „Trainose“ – Грчките железници.

– Возот 334 за последен пат (на територија на Македонски железници) годинава ќе сообраќа на 03.09.2016 година на релацијата Гевгелија – Белград, додека возот 335 (на територија на Македонски железници) ќе сообраќа до 03 09. 2016 година на релацијата Белград-Гевгелија според времињата утврдени со возниот ред. Патниците од Гевгелија до Солун ќе бидат превезени со автобус во организација на Trainose“, се наведува во соопштението.

Social Media Auto Publish Powered By : XYZScripts.com