HomeДЕНЕШНАРепубликаЗапленети 243 килограми режан тутун

Запленети 243 килограми режан тутун

На 8 јули 2016 година на патниот правец Скопје – Куманово при вршење на внатрешна контрола, инспекторите од Одделението за истраги на Царинска управа, се обидоа да стопираат комбе со скопски регистарски ознаки, но возачот на комбето не застанал и се дал во бегство, известува МВР.

Веднаш потоа, комбето било присилно стопирано и под придружба на царинските инспектори испратено на детален преглед во магацинот на Царинската испостава Куманово.

„При извршениот детален преглед во комбето, помеѓу останатата стока беа пронајдени и 12 картонски кутии режан тутун тип Вирџинија за кои сопственикот не поседувал никаква документација. Вкупната количина на пронајдениот режан тутун изнесува 243 килограми. Избегнатите давачки по основ на неплатена акциза и други давачки изнесуваат 503.687 денари. За одземената стока лицето не приложи соодветен документ со што истата е пуштена во слободен промет без да бидат платени царинските и други давачки. Согласно закон стоката е одземена со потврда за привремено одземени предмети, а Царинската управа пр0тив сторителот поднесе соодветна пријава“, се вели во известувањето од МВР.

Social Media Auto Publish Powered By : XYZScripts.com