HomeАНТИСТРЕСГурманВидео: Слатки и вкусни крокети со кашкавал

Видео: Слатки и вкусни крокети со кашкавал

Вистинска можнст да се обидете да подготвите крекери во домашни услови и тоа надополнети со неодоливиот вкус на кашкавал, во нашиот случај чедар и пармезан. Одлични за појадок или мезе.

Потребни состојки
* 2 лажици путер без сол, на собна температура
* 3/4 шолја чедар кашкавал, рендан
* 1/3 шолја пармезан, ситно рендан
* 1/2 лажичка црвен пипер
* Малку чили
* 1/4 лажичка сол
* 1/2 шолја брашно
* 1 лажица ладна вода

Начин на подготовка:
Мекиот путер, крупно ренданиот чедар и ситно ренданиот пармезан, црвениот пипер, чилито и солта ставете ги во голем сад и добро промешајте ги состојките додека не се добие хомогена смеса. Потоа го додавате брашното и продолжувате да мешате. За полесно мешање можете да користите вилушка. Мешајте додека не забележите дека сите топчиња лесно се раскршуваат. На крајот додадете ја ладната вода.

Смесата која треба да ја добиете треба да биде мека и хомогена. Ако гледате дека не е таква можете слободно да додадете уште малку вода. тестото завиткајте го во проѕирна фолија и ставете го во фрижидер 30 минути. Тоа ќе ви помогне подоцна полесно да го развлечете во кора. Откако ќе се излади ставете го на набрашента површина и развлечете кора со дебелина од околу 2-3 mm. Исечете го на ленти и во форма која вас ви се допаѓа.

Со помош на чепкалка на секое парче направете по 5 дупчиња и наредете ги на фолија која претходно сте ја премачкале со неколку капки масло. Печете 15 минути на температура од 190°С (рерната треба претходно да биде загреана) или сè додека не станат златно кафеави и крцкави.

Social Media Auto Publish Powered By : XYZScripts.com