HomeДЕНЕШНАРепубликаАХВ: Забраната за увоз на говеда и месо во Русија е од времен карактер

АХВ: Забраната за увоз на говеда и месо во Русија е од времен карактер

Нема никаква пречка соодветно термички третираните производи и нус производи од говедско месо да се извезуваат на рускиот пазар, информираат од Агенцијата за храна и ветеринарство.

Воведената забрана за увоз на говеда, месо и на други месни производи од Македонија во Русија поради појавата на болеста јазлеста кожа во нашата земја, како што посочуваат од АХВ, е од времен карактер и се однесува исклучиво на живи животни, на месо и производи од говедско месо кои не се соодветно термички тертирани, како и на нус производи од говеда (кожа) која не е соодветно третирана.

– Забраната за увоз, руските ветеринарни власти ја вовеле согласно стандардите на Светската организација за здравствена заштита на животните – ОИЕ, се наведува во денешното соопштение од АХВ.

Од Агенцијата за храна и ветеринарство велат дека ќе останат во постојан контакт и комуникација со руските ветеринарни власти и ќе ја следат состојбата.

Оттаму додаваат и дека по смирувањето на болеста јазлеста кожа во земјава, официјално ќе побараат од руските ветеринарни власти да извршат реевалувација на донесента одлука и да ја укинат воведената забрана за увоз од Република Македонија.

Social Media Auto Publish Powered By : XYZScripts.com