HomeДЕНЕШНАСветАзил било каде во ЕУ по единствени правила – предлог на ЕК

Азил било каде во ЕУ по единствени правила – предлог на ЕК

Европската комисија вчера предложи воведување на единствени правила во ЕУ за давање на азил, во настојување да се скрати периодот за чекање заради одобрување бегалски статус.

Минатогодишниот бегалски бран, во кој 1,3 милиони луѓе влегоа во земјите на ЕУ, без почитување на законските правила на патот преку Медитеранот па се до барањата за азил во Германија или некоја друга држава, наведе поединечни земји да го суспендираат Шенгенскиот договор.

– Промената на правилата ќе донесе заедничка постапка за давање на азил, изјави комесарот на ЕУ за миграција, Дмитрис Аврамопулос.

Како што објасни еврокомесарот, правилникот би вовел поедноставни стандарди кои ќе се однесуваат на условите за прифаќање на мигрантите, помошта која државите мора да им ја обезбедат, па се до едноставните правила за дозволи за брак, патни исправи, пристап до вработување, образование, здравствена и социјална заштита, пренесува Танјуг.

Предлогот, кој ќе биде разгледан од страна на националните влади и Европарламентот, уследи откако Комисијата во мај предложи систем за поделба на мигрантите, по одредени квоти на земјите членки, со што се создаде револт кај источните членки на ЕУ кои одбиваат да прифатат мигранти.

Social Media Auto Publish Powered By : XYZScripts.com